Konferentsııa lıgasy: «Astana» búgin Kıprdiń «Pafos» komandasymen kezdesedi

ASTANA. KAZINFORM - Búgin elordalyq «Astana» Konferentsııa lıgasy jalpy kezeńiniń 3-týry aıasynda syrt alańda Kıprdiń «Pafos» komandasymen kezdesedi.

Astana ýaqymen kezdesý 22.45-te bastalyp, «Qazsport» telearnasynan tikeleı efırde kórsetiledi.

Atalǵan oıynda shotlandııalyq tóreshiler brıgadasy qyzmet atqarady. Bas tóreshi - Donald Robertson, oǵan otandastary Devıd Rým men Ross Makleod kómekshilik jasaıdy. 

«Pafos» komandasy ózimen attas qalada «AEP Pafos» jáne «AEK Kýklıa» komandalarynyń birigýi nátıjesinde 2014 jyly qurylǵan. Byltyr óz tarıhynda alǵash ret Kıpr kýbogyn jeńip aldy. 

Kıprlik klýb eýrokýboktaǵy joryǵyn Eýropa lıgasy birinshi irikteý satysynan bastady. Bul joly óz alańynda Shvetsııanyń «Elfsborg» komandasy 2:5 esebimen jol berse, syrt alańda 0:3 esebimen ese jiberdi.

Odan keıin Konferentsııa lıgasynda Lıtvanyń «Jalgırıs Vılnıýs» (1:2, 3:0), Bolgarııanyń TsSKA 1948 (1:2, 4:0), Rýmynııanyń ChFR (0:1, 3:0) klýbtaryn qapy qaldyrdy. Al Konferentsııa lıgasynyń negizgi kezeńinde Moldovanyń «Petrokýb» komandasyn (4:1) esebimen jeńse, Germanııanyń «Haıdenhaım» komandasyna (0:1) jeńilip qaldy.

Eske salsaq, elordalyq «Astana» budan buryn Konferentsııa lıgasynyń jalpy kezeńinde Serbııanyń TSTs klýbyn (1:0) jeńse, odan keıin Ýelstiń «Nıý-Seınts» komandasyna (0:2) jol berdi.