Kondolıza Raıs: Qazaqstan – ıadrolyq qarýdan bas tartqan alǵashqy memleket
Konferentsııa maqsaty – Qazaqstan Respýblıkasy Tuńǵysh Prezıdentiniń zaıyrly memlekettiń negizin qalap, bolashaǵyn qalyptastyrýdaǵy tarıhı rólin aıshyqtaý, eldegi beıbitshilik pen qoǵamdyq kelisimdi saqtaý saıasatyn nasıhattaý, azamattyq, patrıottyq qundylyqtardy dáripteý.
Konferentsııa QR Prezıdenti janyndaǵy Qazaqstan strategııalyq zertteýler ınstıtýty men QR Syrtqy ister mınıstrliginiń uıymdastyrýymen ótti.
Sharaǵa QR Parlamenti Senatynyń Tóraǵasy Málen Áshimbaev, BUU –nyń buryńǵy Bas hatshysy , Jahandyq jasyl ósý ınstıtýtynyń prezıdenti Pan Gı Mýn, Qazaqstanyń memlekettik hatshysy Qyrymbek Kósherbaev, Ulybrıtanııanyń buryńǵy Premer –mınıstri Tonı Bler,QR Konstıtýtsııalyq Keńesiniń tóraǵasy Qaırat Mamı,QR Parlamenti Senaty janyndaǵy senatrolar keńesi tóraǵasynyń orynbasary Birǵanym Áıtimova jáne saıası jáne qoǵam qaıratkerleri qatysty.
Halyqaralyq jıynǵa qatysýshylar 1 jeltoqsan – Qazaqstan Respýblıkasynyń Tuńǵysh Prezıdenti kúnniń elimiz úshin orny erekshe ekenin atap ótti. Búginde álem moıyndaǵan táýelsiz elimizdiń ýyǵyn qadap, shańyraǵyn kóterip, irgesin bekitken Nursultan Nazarbaevtyń halyq aldynda, memleket aldynda eńbegi orasan zor.
«Nursultan Nazarbaev: Jahandyq deigeıdegi saıasatker» atty halyqaralyq konferentsııaǵa AQSh –tyń buryńǵy buryńǵy memlekettik hatshysy Raıs Kondolıza beınejoldaý joldady.
«Nursultan Nazarbaev Qazaqstan Respýblıkasynyń Tuńǵysh Prezıdenti. Ol memleket basshysy retinde,halqyna kóp eńbek sińirdi. Osy ýaqyt aralyǵynda Qazaqstannyń álem elderi arasynda bedeli artyp, ishki damý satylarynda da talaı bıikterdi baǵyndyrǵanyn bilemiz. Birqatar halyqaralyq uıymdarǵa jetekshilik etti, aýqymdy is-sharalardy abyroımen atqaryp shyqty. Qazaqstan – ıadrolyq qarýdan bas tartqan alǵashqy memleket»,– dedi Kondolıza Raıs.
