Qonaevta referendýmda daýys berý úshin ilbis keldi
QONAEV. KAZINFORM — Qonaev qalasynda daýys berý barysynda turǵyndardyń nazaryn erekshe qatysýshy aýdardy.
Jańa Konstıtýtsııany qabyldaý jónindegi respýblıkalyq referendýmda № 949 saılaý ýchaskesine Almaty oblysynyń sımvoly sanalatyn qar barysynyń keıpindegi kostıým kıgen qala turǵyny keldi.
«Qar barysynyń» kelýi ýchaskede bolǵan azamattardyń qyzyǵýshylyǵyn birden týdyrdy. Daýys berýshiler erekshe qonaqty jyly qarsy alyp, onymen estelik sýretke túsip, mundaı kreatıvti bastama ýchaskedegi kóńil-kúıdi kóteretinin atap ótti.
— Іlbis — bizdiń oblystyń sımvoly. Búgin men óz azamattyq boryshymdy oryndap, elimiz úshin mańyzdy oqıǵa — jańa Konstıtýtsııany qabyldaý jónindegi referendýmǵa qatysý úshin óz ýchaskeme keldim, — dedi Qonaev qalasynyń turǵyny, ilbis keıpinde kelgen Shyńǵys Muqashev.
Daýys bergennen keıin ilbis basqa da daýysbeıýshilermen áńgimelesip, estelik fotosýretterge tústi.