Qonaevta alǵashqy muz aıdyny ashyldy
QONAEV. KAZINFORM — Qonaev qalasynda B.Soqpaqbaev atyndaǵy Ortalyq saıabaq mańynda muz aıdyny ashyldy.
Qala ákiminiń orynbasary Tólegen Kenjebekov nysan buqaralyq sportty damytý, sondaı-aq turǵyndardyń oıyn-saýyq qurý ortalyǵyn jasaý baǵytynda ashylǵanyn atap ótti. Muz aıdynynyń ashylýyna oraı, balalar arasynda estafeta uıymdastyryldy.
Muz aıdynyna óz konkıi barlarǵa kirý — tegin. Odan bólek konkıdi jalǵa alýǵa bolady. Munda bir ýaqytta 50-60 adam syrǵanaı alady. Aldaǵy ýaqytta № 5 jaǵajaıdan da muz aıdynyn ashý josparlanǵan.
— Іri ınvestıtsııalyq jobanyń sheńberinde ASP arenada muz aıdyny ashylady. Onda 16-18 qańtar aralyǵynda qysqy drıft shoý ótedi. Nysannyń aýmaǵy Medeý muz aıdynynan da úlken, 20600 sharshy metr, — dep habarlady ákimdikten.
Eske salaıyq, buǵan deıin bıyl Qonaevtaǵy birqatar saıajaıǵa shaǵyn aýdan statýsy beriletinin jazǵanbyz.