Qonaev qalasynda esirtki jasaıtyn oryn tabyldy

QONAEV. QazAqparat - Qonaev qalasynyń mańynda sıntetıkalyq esirtki jasaıtyn oryn tabyldy. Tintý barysynda úsh er adam ustaldy, - dep habarlaıdy QazAqparat tilshisi.

Almaty oblystyq polıtsııa departamentiniń málimetinshe, ustalǵandardyń biri Almaty qalasynyń, qalǵan ekeýi Іle aýdanynyń turǵyny bolyp shyqty. Olar Qonaev qalasynan bes shaqyrym jerde qorshalǵan aýmaqta eshkim turmaıtyn eki úıde jasyryn zerthana uıymdastyrǵan. Ol jerde mefedron óndiretin arnaıy qondyrǵylar ornatylǵan. Tekserý barysynda kóptegen plastıkalyq ydys pen untaq tárizdi zat jáne arnaıy ólshegish quraldar tabyldy. Tabylǵan zattar arasynan 52,82 gramm untaqtyń zerthanalyq tekserý barysynda mefedron ekeni anyqtaldy. Sondaı-aq 2 tonnaǵa jýyq hımııalyq suıyqtyq tárkilendi.

«Qazirgi tańda QR QK 297 baby boıynsha tergeý amaldary júrgizilýde. Kúdiktilerdiń biri qamaýǵa alynyp, qalǵan ekeýinen mindetti kelý týraly qolhat alyndy»,- dep tolyqtyrdy atalǵan vedomstvonyń baspasóz qyzmetinen.