Qonaev qalasynyń ákiminiń atynan taǵy da jalǵan sms tarady
QONAEV. KAZINFORM – Qonaev qalasy ákimdiginiń baspasóz qyzmeti shahar basshysy Ashat Berdihanovtyń atynan ınternet-alaıaqtar sms taratyp jatqanyn eskertti.
– Buǵan deıin Whats’App jelisi arqyly habarlamalar taratylsa, qazir ınternet-alaıaqtar Telegram jelisin paıdalanýda. Habarlamada UQK-dan kýrator taǵaıyndalǵany, jospardan tys tekseris bolatyny jazylǵan. Baılanys nómiri kórsetilmegen. Sosyn UQK qyzmetkerimin dep Narıman Saǵymbaevtyń atynan habarlama da joldanǵan. Qurmetti turǵyndar! Eger suraqtar bolsa, qala ákiminiń qabyldaýyna jazylyp, jeke jolyǵýdy suraımyz. Ashat Berdihanov Telegram jelisin paıdalanbaıdy, - dep habarlady Qonaev ákimdiginen.
Eske salaıyq, buǵan deıin jyl basynan beri 700-den astam qazaqstandyq ınternet alaıaqtarǵa aldanyp qalǵanyn jazǵanbyz.
