Qonaev ákimdiginde kadrlyq aýys-túıis boldy
QONAEV. KAZINFORM – Qonaev qalasy ákiminiń orynbasary men bilim bóliminiń basshysy taǵaıyndaldy.
Qonaev qalasy ákiminiń orynbasary laýazymyna Ońalbaev Jansultan Saǵnaıuly taǵaıyndaldy.
Jansultan Ońalbaev 1978 jyly Almaty oblysynda dúnıege kelgen. Bilimi – joǵary, 2002 jyly Qazaqstan-Reseı halyqaralyq ýnıversıtetin keden isi jóninde ınjener-ekspert, 2010 jyly Abaı atyndaǵy Qazaq Ulttyq pedagogıkalyq ýnıversıtetin memlekettik jáne jergilikti basqarý mamandyǵy boıynsha támamdaǵan.
Eńbek jolyn Aqtaý qalalyq kedendik baqylaý departamentinde maman bolyp bastaǵan. Ár jyldary Almaty qalasyndaǵy Almaly aýdanynda kásipkerlik pen ónerkásipti damytý bóliminiń basshysy, Almaty qalasy Alataý aýdany ákiminiń orynbasary bolyp qyzmet atqarǵan. 2019 jyldan 2020 jylǵa deıin Almaty qalasy Túrksib aýdany ákiminiń orynbasary boldy.
Sondaı-aq Almaty oblysy bilim basqarmasy basshysynyń buıryǵymen Sársenbaeva Qalamqas Qoıshybaıqyzy Qonaev qalalyq bilim bóliminiń basshysy bolyp taǵaıyndaldy.
Qalamqas Sársenbaeva 2018 jyldan bastap Almaty oblysy bilim basqarmasynyń Іle aýdany boıynsha bilim bóliminiń sektor meńgerýshisi qyzmet atqarǵan.
