Komıtet tóraǵasynyń orynbasaryn tártiptik jaýapkershilikke tartýdy usyndy

NUR-SULTAN. QazAqparat - Ádep jónindegi komıssııanyń kezekti otyrysynda Orman sharýashylyǵy jáne janýarlar dúnıesi komıteti tóraǵasynyń orynbasaryna qatysty sheshimderdi daıyndaý jáne qabyldaý kezinde jeke jáne zańdy tulǵalarǵa zańsyz artyqshylyq kórsetý máselesi boıynsha tártiptik is qaraldy, dep habarlaıdy QazAqparat.

Ádep jónindegi komıssııamen tártiptik isti qaraý qorytyndysy boıynsha laýazymdy tulǵany «qyzmetke tolyq sáıkes emestigi týraly eskertý» túrindegi tártiptik jaýapkershilikke tartý usynyldy.

Sondaı-aq komıssııa otyrysynda Densaýlyq saqtaý mınıstrliginiń tártiptik komıssııasy men Indýstrııa jáne ınfraqurylymdyq damý mınıstrliginiń Ádep jónindegi ýákili qyzmetiniń qorytyndylary tyńdaldy.

Otyrys sońynda komıssııa músheleri mınıstrlik basshylyǵyna memlekettik qyzmetshiler arasynda túsindirý jáne aldyn alý jumystaryn kúsheıtýdi, tártiptik jaýapkershilikti qaraý kezinde zańdylyqty jáne memlekettik qyzmetshilerdiń quqyqtaryn saqtaýdy qamtamasyz etý boıynsha usynymdar ázirledi.

Eske sala keteıik, Ádep jónindegi komıssııa - agenttiktiń tártiptik isterdi qaraýdy jáne ákimshilik memlekettik qyzmetshilerdi tártiptik jaýapkershilikke tartý jóninde usynystar ázirleýdi, sondaı-aq qyzmettik ádep normalarynyń talaptaryn buzýdyń aldyn alýǵa baǵyttalǵan sharalardy ázirleýdi júzege asyratyn alqaly organ.