Komıtet tóraǵasynyń eks-orynbasary: «QazTAG HAA-men shart zańsyz jasalǵan»

ASTANA. QazAqparat - Astanada Seıitqazy men Áset Matevtar isi boıynsha kýálerden jaýap alý jalǵasyp jatyr. Búgin sotta Baılanys, aqparattandyrý jáne aqparat komıtetiniń ókilderi sóz sóıledi.

Tergeý nusqasy boıynsha, 2010-2015 jyl aralyǵy kezeńinde Seıitqazy Mataev uly - «QazTAG» HAA» JShS bas lırektory Ásem Mataevpen aldyn ala sóz baılasyp, aldaý jáne senimdi teris paıdalaný jolymen asa iri kólemde memlekettik satyp alý salasyndaǵy bıýdjettik qarajattardy jymqyrǵan. Urlyq somasy 169 mln teńgeni quraıdy.

BAAK tóraǵasynyń burynǵy orynbasary Bek Arapbaev QazTAG HAA qalaı memlekettik satyp alý jeńimpazy bolǵanyn aıtty.

 «Bolat Bersebaev (burynǵy komıtet tóraǵasy) QazTAG-ty jeńimpaz dep kórsetetin bir kózden memlekettik satyp alý hattamasyn  daıyndaýǵa tapsyrma berdi», - dep habarlady kýáger.

Óz kezeginde, Bek Arapbaev óz qyzmetkerlerine qajetti qujattama daıyndaýǵa tıisti nusqama beredi. «Bul zańsyz sheshim boldy, sebebi QazTAG budan buryn konkýrs tásilimen memlekettik satyp alýǵa qatyspaǵan. Bizdiń bul shartty jasaýǵa quqyǵymyz bolǵan joq», - dedi kýáger.

Sondaı-aq Bek Arpabaev QaTAG HAA esepterin qabyldaý qalaı júzege asqanyn egjeı-tegjeıli aıtyp berdi.

«Oryndaǵan jumys aktisinde buzýshylyqtar boldy, aı saıyn 40-55 jańalyqtar salý kerek boldy, olar aıyna 100 jańalyq shyǵardy, aqparat keń ortaǵa taralmaı jabyq túrde jarııalandy», - dep atap ótti ol.

Bek Arapbaev oryndalǵan jumys aktisin teksermegenin, Seıitqazy Mataevqa sengenin túsindirdi.

QR Qylmystyq kodeksiniń 65-babyna sáıkes BAAK pen «Qazaqtelekom» AQ laýazymdy tulǵalary ókinýine, tergeýge járdemdesýine baılanysty qylmystyq jaýapkershilikten bosatylǵanyn atap ótken jón.