Kolýmbııa prezıdenttigine kandıdat qastandyq saldarynan kóz jumdy
ASTANA. KAZINFORM — Kolýmbııa prezıdenttigine kandıdat Mıgel Ýrıbe Týrbaı saılaýaldy mıtıng kezinde basynan oq jaraqatyn alyp, aýrýhanada kóz jumdy. Bul týraly onyń jary Marııa Klaýdııa Tarasona Instagram jelisinde habarlady.
— Janym, máńgi tynyshtyqta bol. Balalarymyzǵa men qaraımyn, — dep jazdy ol.
Ýrıbe aýrýhanada eki aı boıy emdelip, birneshe ret ota jasaldy. Alaıda keshe onyń jaǵdaıy nasharlap ketken.
Oppozıtsııalyq konservatıvtik «Demokratııalyq ortalyq» partııasynyń múshesine qastandyq maýsym aıynyń basynda qoǵamdyq saıabaqta ótken saılaýaldy is-shara kezinde jasaldy. Oǵan birneshe ret oq atylyp, ekeýi basyna tıgen.
Shabýyldan keıin 15 jastaǵy jasóspirim ustaldy. Sonymen qatar, isti tergeý barysynda taǵy úsh adam qamaýǵa alyndy.
2022 jyldan beri saıasatker «Demokratııalyq ortalyq» partııasynan Kolýmbııa Senatynyń múshesi bolǵan. Ol 2026 jylǵy prezıdenttik saılaýǵa qatysýǵa nıetti edi.