Kolledj túlekteri UBT-ny qalaı tapsyrady
ASTANA. KAZINFORM — 2019 jyldan bastap búkil kolledj túlegi UBT tapsyrady. KTA degen joq. Ulttyq testileý ortalyǵy UBT tapsyrý tártibin túsindirdi.
Túlekter UBT-ny jylyna 4 ret tapsyra alady: mamyr-maýsym aılarynda (negizgi UBT dep atalyp, qatysýǵa 2 múmkindik beriledi), naýryz, tamyz aılarynda (eger kolledjde bitirgen mamandyǵyńyzdy jalǵastyrmaǵan jaǵdaıda).
UBT-ǵa testcenter.kz saıtynda tirkelýge bolady.
NAÝRYZ, TAMYZ JÁNE NEGІZGІ UBT
Eger siz kolledjde oqyp bitirgen mamandyǵyńyzdy jalǵastyrmaı, basqa mamandyqqa oqýǵa túskińiz kelse, 5 pán (3 mindetti + 2 beıindik) boıynsha UBT tapsyrasyz.
Ol úshin tirkelý saıtynda «Ótken jylǵy mektep jáne kolledj túlekteri» tetigin basa otyryp UBT-ǵa ótinish beresiz.
Test tapsyrma sany — 120;
Jalpy ýaqyty — 4 saǵat (240 mınýt);
Joǵary ball sany — 140.
Eger siz kolledjde oqyp bitirgen mamandyǵyńyzdy jalǵastyrmaı, shyǵarmashylyq mamandyqqa oqýǵa túskińiz kelse, 2 pán (Qazaqstan tarıhy jáne Oqý saýaty) boıynsha UBT tapsyrasyz.
Shyǵarmashylyq emtıhan joo-da ótedi.
Ol úshin tirkelý saıtynda «Ótken jylǵy mektep jáne kolledj túlekteri» tetigin basa otyryp UBT-ǵa ótinish beresiz.
Test tapsyrmalar sany — 30;
Jalpy ýaqyty — 70 mınýt;
Joǵary ball sany — 30.
NEGІZGІ UBT (MAMYR-MAÝSYM)
Eger siz kolledjdegi mamandyǵyńyzdy jalǵastyryp, grant negizinde joo-ǵa qysqartylǵan oqytý merzimderin kózdeıtin mamandyqtarǵa túskińiz kelse, ótinish berý bóliminde «Qysqartylǵan oqýǵa túsetin kolledj bitirýshileri» sanatyn kórsetesiz. UBT-ny jalpy kásiptik jáne arnaıy pánder boıynsha tapsyrasyz.
Test tapsyrmalar sany — 60;
Jalpy ýaqyty — 2 saǵat (120 mınýt);
Joǵary ball sany — 70;
Shekti deńgeı baly — 25,
«Pedagogıkalyq ǵylymdar» bilim berý salasy boıynsha — 35 ball.
Onyń ishinde ár pánnen 5 baldan kem bolmaýy tıis.
Eger siz kolledjdi shyǵarmashylyq daıyndyqty talap etetin mamandyq boıynsha bitirip, ary qaraı osy mamandyq boıynsha grant konkýrsyna qatysqyńyz kelse, onda UBT-ny arnaıy pánnen tapsyrasyz.
Shyǵarmashylyq emtıhan joo-da ótedi.
Testileýdiń jalpy ýaqyty — 1 saǵat 20 mınýt (80 mınýt);
Eger siz kolledjdegi mamandyǵyńyz boıynsha AQYLY NEGІZDE joo-ǵa qysqartylǵan oqytý merzimin kózdeıtin mamandyqtarǵa túskińiz kelse, UBT tapsyrmaısyz.
Qujattaryńyzdy joo-nyń qabyldaý komıssııasyna ótkizesiz.
