Kolledj stýdenti 1-kýrstyń jigitterin qorqytyp, aqsha alǵany úshin sottaldy
PETROPAVL. KAZINFORM – Soltústik Qazaqstan oblysynyń prokýrorlary kámeletke tolmaǵandar arasynda qorqytyp alý faktilerin anyqtady.
SQO prokýratýrasynyń málimetinshe, zańsyzdyq Aqjar aýdanyndaǵy Lenıngrad aýylsharýashylyq kolledjiniń stýdentterimen jeke áńgimelesý barysynda anyqtalǵan. Birinshi kýrs stýdentteri ózderinen joǵary oqıtyn jigittiń júıeli túrde qorqytý arqyly aqsha alyp alyp kelgenin aıtqan.
Prokýratýranyń materıaldaryna súıene otyryp, bul fakt Qylmystyq kodekstiń 194-babynyń 1-bólimine sáıkes Aqjar aýdandyq polıtsııa bólimimen sotqa deıingi tergep-tekserýdiń biryńǵaı tizilimine dereý tirkeldi.
Aqjar aýdandyq soty isti qarap, osy kolledjdiń úshinshi kýrs stýdenti qylmystyq quqyq buzýshylyqty jasaǵany úshin kináli dep tanyldy. Endi jigit aldaǵy eki jylyn túrmede ótkizbek.
Búgingi kúni úkim zańdy kúshine engen joq.
Prokýrorlardyń aıtýynsha, zań buzýshylyq týraly oqý ornynyń basshylyǵy bilgen, alaıda quqyq qorǵaý organdaryna habarlamaǵan.
Prokýrorlyq qadaǵalaý aktisi boıynsha jasalǵan zań buzýshylyqtar úshin kolledjdiń dırektory men jaýapty tulǵalary jaýapkershilikke tartyldy. Bolashaqta mundaı faktilerdiń bolýyna jol bermeý jumystaryn uıymdastyrý qaıta qaraldy.
Buǵan deıin SQO-da byltyr erli-zaıyptylar 28 balany asyrap alyp, bireýin keri qaıtarǵanyn jazǵan edik.