Kóliktiń aldyńǵy terezesin qarańǵylaýǵa ruqsat berilýi múmkin

ASTANA. KAZINFORM – Іshki ister mınıstriniń birinshi orynbasary Marat Qojaev kóliktiń aldyńǵy terezesin qarańǵylaýǵa ruqsat berýge qatysty pikir bildirdi.

Senattyń jalpy otyrysy aıasynda BAQ ókilderi Marat Qojaevtan: «Qytaıda shyǵarylǵan kóptegen avtomobıldiń aldyńǵy terezesi qarańǵylanǵan. Qazaqstanda mundaı qarańǵylaýǵa ruqsat berilýi múmkin be?», - dep suraǵan edi.

Mınıstrdiń birinshi orynbasary bul másele búgin ǵana kóterip otyrmaǵanyn atap ótti.

«Qazirgi ýaqytta ІІM aldyńǵy terezeni qarańǵylaýǵa tyıym salý tarıhyn zerdelep jatyr. Bul máseleni Májilis depýtattary da kóterip júr. Kedendik odaq reglamenti bar. Onda aldyńǵy tereze qanshalyqty qarańǵylanýy tıis ekendigi jazylǵan. Bul jol qozǵalysy jáne Jol júrisi erejesiniń buzylýy kezinde júrgizýshi men jolaýshyny sáıkestendirýde qıyndyqtyń bolýyna baılanysty. Qazir quqyq buzýshylyqty tirkeıtin jańa tehnıkalyq quraldar shyǵyp jatyr. Sondyqtan munyń (aldyńǵy terezeni qarańǵylaýǵa ruqsat berý) qanshalyq múmkin ekendigin nemese jol qozǵalysy, qoǵamdyq tártip qaýipsizdigen zııan tıgizetindigin zerdelep jatyrmyz. Másele zerdelenip jatyr, taıaý ýaqytta sarapshylyq qorytyndymyzdy sizderge jetkizemiz», - dedi Marat Qojaev.