Kólik rýline otyrǵan jasóspirimderdiń kesirinen 9 adam qaza tapty

ASTANA. QazAqparat – Jyl basynan beri elimizde jasóspirimderdiń rýlge otyrýmen baılanysty 70-ke jýyq jol-kólik oqıǵasy tirkeldi. Bul týraly QR Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Іshki ister mınıstrligi joldaǵy balalardyń qaýipsizdigine erekshe nazar aýdarady. Túsindirý jumystaryna qaramastan apatqa balalar sebep bolǵan jol-kólik oqıǵalaryna tap bolyp otyrmyz. Ata-analar qaýipsizdikti oılamastan balalarǵa kóliktiń kiltin jıi bere salady. Bul fakti kámeletke tolmaǵan jasóspirimniń de, jol qozǵalysynyń ózge qatysýshylarynyń da ómirine qaýip tóndiredi. Jyl basynan beri elimizde jasóspirimderdiń rýlge otyrýmen baılanysty 70-ke jýyq jol-kólik oqıǵasy tirkeldi. Sonyń saldarynan 9 adam qaza taýyp, 80-nen astam jaraqattandy», - dedi Shuǵyla Turlybek vedomstvonyń baspasóz alańynda ótken brıfıngte.

Onyń dereginshe, Atyraý oblysynda, Jastalap aýylynyń mańyndaǵy jolda «Toıota» kóligin basqarǵan 14 jastaǵy jasóspirim rýlge ıe bola almaı qalyp, aýdarylǵan. Saldarynan bala qaıtys bolyp, qasynda otyrǵan 4 jasóspirim aýrýhanaǵa tústi.

«Osyǵan baılanysty Іshki ister mınıstrligi mundaı áreketi úshin eresekter jaýapkershilikke tartylatyndyǵyn eskertedi», - dedi ol.