Kólik polıtsııasynyń úzdik qyzmetkerleri Konstıtýtsııa kúnine oraı alǵys hattarmen marapattaldy
Merekelik is-shara Qazaqstan Respýblıkasynyń Memlekettik ánuranynyń oryndalýymen bastaldy. Sharany áriptesterin quttyqtaý sózimen ashqan Departament bastyǵy polıtsııa polkovnıgi Amanjol Qabylov Táýelsiz Qazaqstannyń qalyptasýy jolyndaǵy Konstıtýtsııanyń tarıhı mańyzyna, ishki ister organdarynyń elimizdiń Konstıtýtsııalyq zańdylyqtar men quqyq tártibin saqtaýdaǵy róline toqtaldy.
«El prezıdenti - ult kóshbasshysy Nursultan Ábishuly Nazarbaev Ata zań - qasıetti qujat, memlekettigimizdiń qasıetti kitaby ekenin atap ótti. Rasymen de, Ata zańnyń normalary men qaǵıdalaryn buljytpaı oryndaý, konstıtýtsııalyq qundylyqtardy qorǵaý - bul ár azamattyń qasıetti paryzy. Іshki ister organdarynyń qyzmetkerleri Otan aldyndaǵy jaýapkershiliktiń zor ekendigin aıryqsha túsinýleri kerek», - dedi óz sózinde Amanjol Jaıǵalıuly.
Elimizdiń bas kólik polıtseıi Departamenttiń jeke quramy men onyń bólinisteriniń budan bylaı da azamattarymyzdyń densaýlyǵy men ómirin, olardyń zańdyq quqyǵyn qorǵaı beretindigin nyqtap aıta kele, jınalǵandarǵa zor densaýlyq, bereke, birlik, Otanymyz Qazaqstannyń gúldenýi jolyndaǵy jaýapty qyzmetterine tabystar tiledi.
Merekelik shara aıasynda A. Qabylov ishki ister organdarynyń ardageri Doldanov ıÝrıı Nıkolaevıchqa jastardy patrıottyq qasıette tárbıeleýge, otansúıgishtik rýhynda olardyń jeke tulǵasyn qalyptastyrýǵa zor úles qosqany úshin «QR ІІM Qurmetti ardageri» tósbelgisimen marapattady.
Sondaı-aq, qaýipsizdik pen quqyqtyq tártipti nyǵaıtýda qyzmettik mindetin barynsha jaýapty jáne úlgili atqarǵan Qazaqstan kólik polıtsııasynyń úzdik qyzmetkerleri QR Konstıtýtsııasyn kúnine oraı gramotalar jáne alǵys hattarmen marapattaldy.
