Qoldanystaǵy zań qar tasýǵa múmkindik bermeıdi – Júk tasymaldaýshylar qaýymdastyǵy
«Júk tasymaly salasynda 1993 jyldan beri sheshilmeı kele jatqan máseleler bar. 1993 jyly kólik ınspektsııasy quryldy, keıinirek bul ınspektsııa túrli mınıstrlikterge berildi, biraq problemalar sol kúıinde qaldy. Qazir Qazaqstan bizdiń joldarymyzda júk mashınalaryna 10 tonna júkke ruqsat berip otyr. Biraq bul – bir oske (dóńgelek) berilgen júkteme, eger qos dóńgelekti, ádettegideı tirkemesi bar júk kóligin alsaq, onda bir oske 8 tonna alamyz, 8 + 8 – 16 tonna shyǵady. Nátıjesinde, bir samosval óz salmaǵyn eskere otyryp, 26 tonna júk tasymaldaı alady. Іs júzinde, bul samosval 30 tonna júk tası alady. Kóliktiń óz salmaǵy 15 tonna, oǵan 30 tonna qossaq, 45 tonna shyǵady. Eger 45 tonnany úsh oske bólsek, onda bir oske 15 tonnadan keledi», - dedi Aslan Kemelbaıuly Nur-Sultan qalalyq kásipkerler palatasy uıymdastyrǵan kólik bıznesi ókilderimen kezdesýde.
Sonymen birge, qaýymdastyq ókili EAEO elderine: Reseıde, Belarýste jáne Armenııada bir oske 11,5 tonna tasymaldaýǵa ruqsat etilgenin, bul júk tasymalynyń bıznes qurylymyn jetildirý úshin jaqsy kórsetkish ekenin atap ótti.
«2006 jyldan bastap Qazaqstan bir oske 13 tonna dep eseptep, jol sala bastady. Ókinishke oraı, byltyr 24 shildede bólinbeıtin júkti tasymaldaýshylardyń budan bylaı arnaıy ruqsat ala almaıtyndyǵy týraly zań kúshine endi. Bul neni bildiredi? Qazirgi ýaqytta elordada qardan tazartý máselesin kórip otyrsyzdar. Tipti qardy tasymaldaý kezinde de kez kelgen samosval júk tasymaldaý parametrlerinen asyp túsedi. Bul qazirgi qoldanystaǵy zańmen tipti qar tasymaldaý múmkin emes degendi bildiredi. Biz bul máseleni sheshýdiń mynadaı joldaryn usynamyz: jol salý kezinde kólik osine berilgen júktemelerdi qaıta qaraý. Biz ınertti materıaldy temirjolmen Reseıge, Ombyǵa, Chelıabınskke jiberemiz, ol jaqta qıyrshyq tas joq. Bizde osyndaı baı óńir bar - ózimizdiń qıyrshyq tastarymyz, óz asfaltymyz, óz betonymyz, óz armatýramyz bar. Jol salý kezinde ostik júktemeni zańnamalyq turǵydan kúsheıtýge ne kedergi ekenin túsinbeımin. Bul jaǵdaıda jyl saıyn jol jóndeýge mıllıondaǵan aqsha jumsamas edik. Sonymen birge, biz jol salatyn kásiporyndarmen tehnıkalyq-ekonomıkalyq negizdeme jasadyq, olar bizdiń seriktesterimiz bolyp sanalady - smetada júktemeni tek 10% kóterýdiń ózi os júktemesin 13-ten 18 tonnaǵa deıin arttyrady. Sondyqtan, negizdemeni jaqsartý qajet», - dedi A. Kemelbaıuly.
