Kóktóbe munarasyna naızaǵaıdan zaqym kelgen joq - Qazteleradıo

ASTANA. QazAqparat – Kóktóbe munarasyna naızaǵaı tústi, odan eshqandaı zaqym kelgen joq. Bul týraly QazAqparat «Qazteleradıoǵy» silteme jasap habarlaıdy.

«30 sáýirde «Kóktóbe» radıotelevızııalyq stantsııasyna naızaǵaı túsýine qatysty sońǵy janalyqtarǵa baılanysty televızııalyq munaraǵa zaqym kelmegenin, shtattyq rejımde jumys istep turǵanyn habarlaımyz. Eshqandaı tehnıkalyq aqaýlar tirkelgen joq. Teleradıo habarlaryn taratý esh kedergisiz, irkilissiz júzege asyrylyp jatyr», - delingen habar taratý salasyndaǵy ulttyq operatordyń habarlamasynda.