Kóktemgi sý tasqyny: ShQO-da jaǵdaı turaqty
ÓSKEMEN. KAZINFORM – Shyǵys Qazaqstanda oblysy ákimdiginiń otyrysy ótip, óńir úshin mańyzdy máseleler talqylandy. Eń ózektisi - sáýir aıynyń ortasynda kútiletin sý tasqynynyń ekinshi tolqynyna daıyndyq.
Qazir oblysta jaǵdaı turaqty. Bul árıne, barlyq qatysýshy qurylymdardyń birlese artqarǵan jumynyń arqasy. Eske sala keteıik, óńir basshysy Ermek Kósherbaevtyń tapsyrmasymen ótken jyldyń kúzinde-aq ShQO qalalary men aýdandarynda sý tasqynynyń aldyn alý sharalary bastalǵan edi.
Bıyl alǵash ret tasqyn sýǵa tótep berý úshin tarıhı derekterge negizdelgen arnaıy karta jasaldy. Sý tasqyny qaýpi bar aýdandarǵa táýlik boıy monıtorıng júrgizilip, únemi tolyqtyrýlar engizilip otyrady. Basty maqsat – halyqtyń qaýipsizdigin qamtamasyz etý.
ShQO-da bıyl Jol jyly bolyp jarııalandy jáne óńir bıligi jol jóndeý jumystarynynyń sapasyna erekshe nazar aýdarmaq. Oblys ákimi Ermek Kósherbaevtyń aıtýynsha, turǵyndar tarapynan túsetin shaǵymnyń kóbi jolǵa qatysty, oǵan sebep, sońǵy jyldary tolyqqandy jóndeýdiń júrgizilmegeni. Bıyl óńirdegi joldardy jóndeýge eki ese qarjy bólindi.
ShQO Jolaýshylar kóligi jáne avtomobıl joldary basqarmasynyń basshysy Nurjan Jumadilovtyń aıtýynsha, 28,5 mlrd teńge bólý josparlanýda, 600 shaqyrym jol ortasha jóndeýden ótedi.
«Sapaǵa asa mán berýimiz qajet. Osy tusta jol patrýlderimen birlese jumys istegen abzal. Ásirese kónetoz joldarda másele shash etekten. Ýaqyt óte topyraq shógedi, klımat ózgeredi, ol árıne jolǵa da áser etedi. Sondyqtan qurylys tehnologııalarynyń sapasyn qadaǵalaýymyz qajet», - dedi óńir basshysy.
Kez kelgen adam jóndeý jumystaryn qaıda jáne qashan júrgizetinin bilýi úshin joldardyń tolyq tizimin quzyrly basqarmanyń saıtynda mindetti túrde jarııalaý tapsyryldy.
Ótken jyly Shyǵys Qazaqstan oblysynda "Aýyl amanaty" baǵdarlamasyn iske asyrý bastalǵan edi. Óńirde 1,5 mlrd teńgeden astam somaǵa 213 nesıe berilip, baǵdarlama aıasynda aýyldyq jerlerde 235 jańa jumys orny quryldy.
Aýyl sharýashylyǵy basqarmasy basshysynyń mindetin atqarýshy Dılıara Jylqaıdarovanyń baıandaýynsha, osy jyly dál osy baǵdarlama boıynsha oblys azamattaryna 1000 nesıe berý josparlanǵan.
Aımaq basshysy Ermek Kósherbaev atalmysh baǵdarlama óńir ekonomıkasynyń ósý quralyna aınalýy tıistigin, mysal retinde Kúrshim aýdanyndaǵy tushpara óndiretin kásiporyndy tilge tıek etti.
«Baıandama kóńil kónshitkenimen ekonomıkanyń ósý núktelerin qalyptastyrýda baǵdarlamanyń qandaı múmkindikteri bar ekenin estimedim, sondaı-aq, jergilikti brendterdi kórmedim. Nátıje bar, biraq olar týraly sóz qozǵalmady. Jobanyń kópshiligi mal sharýashylyǵyna negizdelgen, al ósimdik sharýashylyǵyna arnalǵany – bir paıyz. Biz óz ónimderimizdi shyǵarýǵa qaýqarymyz jetkilikti, aýyl sharýashylyǵy ónimderin óndirýshi kásipkerler deldaldarsyz-aq sata alady», - dedi ákim.
Óskemende óndirýshi men tutynýshy arasynda sátti ashyq alań qurýdyń mysaldary jetkilikti. Mysaldardy negiz ete otyryp, aýdan ákimderine jergilikti jerlerde osyndaı alańdar qurý tapsyryldy.
Sondaı-aq óńir basshysy dúken sórelerinde jergilikti ónimderdiń túri de, sany da ulǵaıýy tıis ekendigin ashyp aıtty. Bul úshin jergilikti bıznesti damyta alatyn ári aýyl azamattaryn jumyspen qamtýǵa qaýqarly bastamashyl kásipkerlerdiń qoldaý kórsetilýi kerek.
Shyǵys Qazaqstanda jyl saıyn 146,5 myń tonna kommýnaldyq qaldyqtar túziledi. Tabıǵı resýrstar jáne tabıǵatty paıdalanýdy retteý basqarmasy basshysynyń mindetin atqarýshy Arman Esentaev aımaqta 165 polıgon men QTQ saqtaý orny bar, onyń tek 22-sinde ruqsat qujattary bar ekenin aıtyp ótti. ıAǵnı, polıgondardyń sanaýly bóligi ǵana ekologııalyq talaptarǵa sáıkes keledi.
Ermek Kósherbaev osy baǵytta tikeleı jumys isteıtin jaýapty basqarlamalardy shaqyryp, árqaısysyna osy másele tóńireginde birlese kúsh salýdy tapsyrdy.
«Qazir siz osy baǵytta qalaı jumys isteý kerektigin bilmeısiz. Biz strategııa quryp, qoqys jınaý mádenıetin nasıhattamaıynsha, shara qoldanýdyń esh máni joq», - dedi óńir basshysy.
Ákimdik otyrysynan keıin oblys ákimi sý tasqyny jaǵdaıynyń jedel máseleleri boıynsha qalalar men aýdandardyń ákimderimen beınekonferentsııa arqyly jıyn ótkizdi. Oblys turǵyndary úshin densaýlyq saqtaý, bilim berý, aýyldar men qalalardyń syrtqy jáne ishki kelbeti, aýdandyq jáne kenttik joldar men qyzmet kórsetý máseleleri boıynsha naqty tapsyrmalar berdi.
Ermek Kósherbaev óńirde bastalǵan «Taza Qazaqstan» respýblıkalyq aktsııasy shyǵysqazaqstandyqtar arasynda jandana túskenin atap ótti. Birneshe kún ishinde oǵan 20 myńnan astam adam qatysty.
Shyǵys Qazaqstan oblysy ákimdiginiń otyrysy aıaqtalarda aımaq basshysy osyǵan deıin QR Qorǵanys mınıstriniń ıdeologııa, Aqparat jáne kommýnıkatsııalar jónindegi keńesshisi qyzmetin atqarǵan, kommýnıkatsııalar jónindegi keńesshisi Álisher Súleımenovti tanystyrdy.
