Kókshetaýdaǵy elevator kesheniniń uny shetelge eksporttalady
«Agrımer-Astyq» JShS-niń basshysy Nıkolaı Kazaktyń aıtýynsha, búgingi tańda kásiporyn astyqty saqtaýmen, qaıta óńdeýmen aınalysady. Sonymen qatar maı burshaq, burshaq tuqymdas daqyldardyń ónimderin qabyldaıdy jáne qaıta óńdeıdi. Seriktestikte táýliktik óndiristik qýattylyǵy 200 tonnany quraıtyn ıtalıan jabdyǵy ornatylǵan. Bul qurylǵy qatty bıdaıdan makaron ónimderin alýǵa múmkindik beredi. Daıyn ónimdi alys jáne jaqyn shet memleketterge ótkizý josparlanýda. Kásiporyn menshiginde «Agrımer-Astyq» Kókshetaý ındýstrıaldy kesheni bazasynda 1 000 konteınerge arnalǵan konteıner alańy bar. Sonymen qatar, kásiporyn aýmaǵynda 1 dıirmen, sımolına unyn (ıtalııandyq makaronǵa arnalǵan) shyǵaratyn 1 kombınat, maıly soıa shyǵaratyn 1 zaýyt, soıa maıy men kúnjit shyǵaratyn zaýyt, raps maıy men kúnjit shyǵaratyn jáne bıdaı men maıly daqyldardy tazalaıtyn 1keshen jumys isteıdi.
«Agrımer-Astyq» JShS-nyń maqsary (raps) maıyn óndiretin zaýyty tolyq qýatynda jumys isteýde. Kásiporynnyń qýaty táýligine 100 tonna maı shyǵarýǵa múmkindik beredi. Zaýytta cheh kompanııasynyń «Formet» qondyrysy ornatylǵan.
«Bizdiń maı taǵam ónerkásibi sııaqty ekonomıkanyń birqatar salada paıdalanylady. Bul shıkizatty tereń óńdeýge jáne júz paıyz eksportqa baǵyttalǵan», - deıdi kásiporyn Nıkolaı Kazak.
Qaıta óńdelgen ónimge Germanııa, Skandınavııa elderi jáne Qytaıda suranys joǵary. Maı temirjol kóligi arqyly alys shetelderdegi seriktesterimizge jetkiziledi. Ol úshin kásiporynda 40 tsısterna jáne 400 astyq tasymaldaǵysh bar.
«Agrımer-Astyq» JShS Aqmola jáne Soltústik Qazaqstan oblystarynyń agrarılerimen tyǵyz jumys isteıdi. Olar munda iri kólemde maqsary tuqymy jetkiziledi. Kásiporyn basshysy atap ótkendeı, jetkizilip jatqan shıkizat kólemi maı óndirisine jetkilikti. Kásiporyn iske qosylǵan sátte, jergilikti 25 adam jumyspen qamtyldy. Qazir jumysshylardyń sany arta túsýde.
Ótken jyly Tuńǵysh Prezıdent kúni qarsańynda atalmysh «Agrımer-Astyq» JShS jańa óndiris jelisin iske qosty. Makoron ádettegi unnan emes, qatty bıdaı suryptarynan óndiriletin untaqtan jasalatyny belgili. Osy rette, sımolına unyn (ıtalııandyq makaronǵa arnalǵan) shyǵaratyn kombınat álem halqy súısinip jeıtin ıtalııandyq makaronǵa (spagettı) qajetti shıkizatty Kókshetaýda óndirýdi jolǵa qoıyp otyr. Joba quny 2,5 mıllıard teńgeni qurady. Kásiporyn ınnovatsııalyq qurylǵylarmen jabdyqtalǵan. Bul óńir dıqandary úshin jańa múmkindikter usynady.
Kásiporyn shıkizat retinde Aqmola, Qostanaı, Soltústik Qazaqstan oblystarynda ósirilgen qatty bıdaıdyń joǵary suryptaryn qoldanady. Kombınat tolyqtaı ıtalıandyq qondyrǵylarmen jabdyqtalǵan. Óndirilgen ónimdi Reseı arqyly, spagettıdiń otanyna jóneltý josparlanǵan.
«Óndirilgen ónim 100 paıyz eksportqa baǵyttalady. Qazaqstandyq qatty bıdaıdyń sapasy bizdiń ónimniń joǵary básekege qabilettiligin qamtamasyz etedi. Avtomattandyrylǵan keshende nebári 20 maman táýligine 200 tonna ónim óndiredi. Naryqtaǵy suranys tıisti deńgeıin saqtalsa, kásiporyn jylyna 46 myń tonna ónim usynýǵa qaýqary. Endi makoron ónimderin óndirýdi josparlap otyrmyz», - deıdi kásipory basshysy.
Kásiporynnyń janynan «Agrımer-Astyq» sport kesheni jumys isteýde. 2016 jyly ashylǵan zamanýı sport kesheni elevator aýmaǵynda ornalasqan. Keshende klıentterge bıznes-formattaǵy qyzmetter usynylady. Kelýshilerdiń fıtnespen shuǵyldanýyna barynsha jaǵdaı jasalǵan. Nysanda toptyq baǵdarlama, jattyǵý, jekpejek, ústel tennısi, sport zaldary bar. Sondaı-aq, massaj kabıneti men kofe bar ornalasqan. Munda bir mezgilde elý adam shynyǵa alady.
«Qazirgi zamanǵy jabdyqtar men kásibı jattyqtyrýshylar sport keshenine kelýshilerge joǵary deńgeıde qyzmet kórsetedi. Biz mundaı nysandy áleýmettik áriptestik sheńberinde kókshetaýlyqtardyń bos ýaqyttaryn sportpen shuǵyldanyp, qyzyqty ótkizý maqsatynda ashyp otyrmyz. Bul bizdiń ortaq maqsatymyz», - dep tolyqtyrdy Nıkolaı Kazak.
Kásiporyn basshysy atap ótkendeı, qazirgi kezde ksiporynda kúzgi egin oraǵyna daıyndyq jumystary qyzý qolǵa alynǵan.
