Kókshetaýda jylý júıesindegi apat:13 kóppáterli turǵyn úıge jylý berildi

Kókshetaýda Sábataev pen Saǵdıev kósheleriniń qıylysyndaǵy jylý qubyry apattan soń qalpynan keltirildi, dep habarlaıdy Kazinform tilshisi.

- Qazirgi ýaqytta aqaý joıyldy, jóndeý jumystary aıaqtaldy, barlyq 13 kóppáterli turǵyn úıge jylý berildi, jeke sektorlardaǵy úılerdi qosý jáne osy ýchaskedegi gıdravlıkalyq jáne temperatýralyq rejımdi qalpyna keltirý jumystary júrgizilýde. Qurmetti jylý tutynýshylary! Sizderden jylý toraptaryn tekserip, ishki jylý tutyný júıesi boıynsha jóndeý jumystaryn júrgizýlerińizdi suraımyz, - delingen qala ákimdiginiń málimetinde.

Aıta ketsek, jeltoqsannyń 10-da Kókshetaýda Sábataev pen Saǵdıev kósheleriniń qıylysyndaǵy «Kapıtal» turǵyn úı kesheniniń mańynda dıametri 700 mm bolatyn jylý qubyry jarylyp, 40-tan astam úı jylýsyz qalǵan edi.