Kókshetaýda óńeshine bógde zat turyp qalǵan 1 jasar bala qutqaryldy
ASTANA. KAZINFORM – Kókshetaýda jedel járdem brıgadasynyń qyzmetkerleri bógde zatty jutyp qoıǵan 1 jasar balany qutqaryp qaldy.
Aqmola oblysy medıtsınalyq jádel – járdem stantsııasynyń jelidegi resmı paraqshasyndaǵy málimetke qaraǵanda, oıynshyqtyń bir bólshegin jutyp qoıǵan 1 jasar balaǵa shaqyrtý túsken.
«Dıspetcher A.J. Qapezova jedel járdem jetkenshe telefon arqyly ata-anasyna bógde zatty shyǵarý úshin balany tizege jatqyzyp, arqasynan soǵý jóninde keńes berdi. Artynsha, jedel járdem brıgadasy kelip balany alyp ketti. Alaıda, jolda balanyń tynys alý qıyndap, beti kógere bastaıdy. Osy kezde jedel járdem brıgadasy feldsheri D.S.Golovnıa men ıÝ.S. Streltsova Geımleh tásili (bógde zatty alyp tastaý úshin qabyldaý) arqyly balanyń óńeshinde turyp qalǵan bógde zatty shyǵaryp alady. Qazir balanyń jaǵdaıy qanaǵattanarlyq. Dıspetcher A.J.Kapezova 20 jyldan astam, feldsher D.S. Golovnıa Kókshetaý qalasynyń Jedel járdem stantsııasynda 5 jyl jumys isteıdi, olar buǵan deıin talaı adamnyń ómirin saqtaǵan bolatyn», - dep jazylǵan vedomstvonyń jelidegi paraqshasynda.
Aıta ketsek, budan buryn Kókshetaýda birneshe ret jedel járdem shaqyrtqan áıel kóz jumǵanyn jazǵan edik.
