Kókshetaýda nan zaýytynyń qoımasy órtendi

KÓKShETAÝ. QazAqparat - Kókshetaýda nan zaýytynyń qoımasy órtendi, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.

Vedomstvonyń málimetinshe, órt tamyzdyń 08-de saǵat 02:25 «Kókshetaý nan zaýyty» JShS-niń aýmaǵyndaǵy qoımadan shyqqan. Qaza bolǵandar men zardap shekkender joq.

«Qyzyl jalyn 50 sharshy metr aýmaqty sharpydy. Órt sóndirýshilerdiń jedel áreketiniń arqasynda órttiń taralýyna jol berilmedi. Saǵat 03:00 órt aýyzdyqtalyp, 04:53 tolyq sóndirildi. Órttiń shyǵý sebepteri anyqtalýda. Tilsiz jaýdy aýyzdyqtaýǵa TJD jeke quramynan 42 adam jáne 13 órt sóndirý tehnıkasy tartyldy», - dedi vedomstvodan.

Aıta ketsek, budan buryn Astana irgesinde qurǵaq shóp pen qamys órtengenin jazǵan edik.