Kókshetaýda «Mobıldi kitaphana» iske qosyldy
Kitaphana mamandarynyń sózinshe, oqyrmandar smartfon nemese planshettiń kómegimen QR- kod arqyly «Mobıldi kitaphana»qosymshasynda usynylǵan 110 ádebı kitaptyń kez kelgenin lezde taýyp, oqı nemese júkteı alady.
«QR kod kez kelgen aqparatty tsıfrlandyrýǵa múmkindik beredi. Uıaly telefonyńyzda júktelgen arnaıy qosymsha bolsa jetkilikti. Bul oqyrmandar sanyn arttyrýǵa ǵana emes, uıaly telefonǵa áýestengen jastardy kitap oqýǵa tartý» , - deıdi kitaphana mamandary.
Maǵjan Jumabaev atyndaǵy Aqmola oblysynyń ǵylymı ámbebap kitaphanasynda ótken jobanyń tusaýkeser rásimine mektep oqýshylar qatysyp, «Ótkennen bolashaqqa» kvest oıyny arqyly «Mobıldi kitaphana» qyzmet túrin qoldaný boıynsha ózara jarysty.
Mobıldi oqyrmandar baspadan jaryq kórgen dástúrli kitaptardan alystamaıdy. Kerisinshe, oblystyq kitaphana usynyp otyrǵan elektrondy gadjetter arqyly «Mobıldi kitaphana» sórelerindegi qazirgi zamanǵy jáne kalassıkalyq 100-den astam shyǵarmany qazaq, orys jáne aǵylshyn tilderinde oqı alady.
