Kókshetaýda mas turǵyn bótenniń kóligin ishindegi jolaýshysymen birge aıdap ketken

Kókshetaýda mas turǵyn kólikti jolaýshysymen zańsyz aıdap ketken, – dep habarlaıdy Kazinform Polisia.kz saıtyna silteme jasap.

Saıttaǵy málimetterge qaraǵanda, «BMW» markili avtokóligi Kókshetaýdaǵy oıyn-saýyq oryndarynyń biriniń turaǵynan urlanǵan. Onyń ıesi osy ýaqytta dámhanada bolǵan, alaıda onyń dosy kóliktiń salonynda uıyqtap jatqan.

Jábirlenýshiniń aıtýy boıynsha, 2 qarasha kúni ol tanystarymen birge Astanadan oblys ortalyǵyna keledi. Keshke dámhanaǵa barmaq bolyp, kóligin avtoturaqta qaldyrady. Al kólikte dostarynyń uıyqtap qalǵan. Kólik ıesi uıyqtap jatqan dosy tońyp qalmas úshin, kóligin iske qosyp, kiltin kólikte qaldyrǵan.

Uıqyda jatqan dosy kóliktiń áınegi synǵan ýaqytta biraq oıanyp, bolǵan oqıǵa týraly polıtsııaǵa habarlaıdy.

Polıtsııa bolǵan jaıdy teksere kelet kúdiktini anyqtaıdy. Ol sol kafege kelýshilerdiń biri bolyp shyqty.

Qala turǵynynyń aıtýynsha, oqıǵa kezinde ol mas bolǵan jáne bireýdiń kóliginde qalaı bolǵany esinde joq. Ol sondaı-aq qatty soqqydan esin jıyp qaıda ekenin túsinbeı, kólikten shyǵyp, belgisiz baǵytqa ketip qalǵan.

«Baqytymyzǵa oraı, eshkim zardap shekken joq. Bul faktini polıtseıler QR QK-niń 200-baby 1-bóligi (Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý) boıynsha sotqa deıingi tergep-tekserýlerdiń biryńǵaı tiziliminde tirkedi. Qazirgi ýaqytta muqııat tergeý júrgizilip jatyr»,-delingen habarlamada.