Kókshetaýda «Bolashaq saraıy» boı kóteredi
«Oblys ortalyǵy Kókshetaý qalasyn damytý máselesine erekshe toqtalǵym keledi. Halyqtyń ósip bara jatqanyna baılanysty oblys ortalyǵynda jańa aýdandardy sala bastadyq. Atap aıtqanda, jańa Saryarqa shaǵyn aýdanynda qurylys qarqyndy, 2013 jyldan bastap munda 35 kóppáterli turǵyn úı (1 370 páter) salyndy. Qazir «Nurly jer» memlekettik baǵdarlamasy aıasynda 12 kópqabatty úıdiń (8 nesıe jáne 4 jalǵa berý) irgesi qalanýda. Onyń 10-y bıyl aıaqtalady», - dedi OKQ-da ótken baspasóz máslıhatynda Aqmola oblysynyń ákimi Ermek Marjyqbaev.
Óńir basshysynyń aıtýynsha, Kókshetaýdyń jol boıynsha ınfraqurylymyn damytýǵa 2,7 mlrd teńge qarastyrylǵan. Onyń ishinde jergilikti bıýdjetten 1,5 mlrd teńge bólinip te qoıǵan.
«Bıyldan bastap Qopa kóliniń jaǵasynda (Keńsary kóshesinen Qan ortalyǵyna burylysqa deıin) aınalma jol qurylysy salynyp jatyr. Qylshaqty ózeni arqyly kópir salynady. Sonymen birge, qazirgi zamanǵa saı «Bolashaq saraıy» saraıynyń qurylysy júrgizilýde. Sol ǵımaratta 2020 jyly Qazaqstan men Reseıdiń XVII óńiraralyq yntymaqtastyq forýmynyń mańyzdy sharalaryn ótkizemiz», - dedi aımaq basshysy.
