Kókshetaýda bes qabatty úı órtenip, 28 adam evakýatsııalandy

ASTANA. KAZINFORM – Kókshetaýda bes qabatty turǵyn úıde órt shyǵyp, 28 adam evakýatsııalandy, onyń ishinde 8 bala bar, dep habarlaıdy Aqmola oblysy TJD.

Búgin keshke Nazarbaev dańǵylyndaǵy bes qabatty turǵyn úıdiń 4-qabatyndaǵy balkonnan órt shyqqan. Jalyn keıin joǵarydaǵy 5-qabattyń balkonyna taraǵan.

Tótenshe jaǵdaılar mınıstrligi bólimsheleri jedel jetip, órtti der kezinde sóndirdi. Joǵarǵy qabattarǵa sý berý úshin órt sóndirýshiler avtosatyny qoldanyp, syrttan jalyndy oqshaýlady.

«Órt sóndirýshiler tútin basqan aımaqtan baspaldaq arqyly 28 adamdy, onyń ishinde 8 balany evakýatsııalady. Zardap shekkender joq», – dedi Aqmola oblysy TJD resmı ókili Ersaıyn Qoıshybaev.

Aıta keteıik, buǵan deıin Qaraǵandy oblysynda kópqabatty turǵyn úıden órt shyqty.