Kókshetaýda batýt ortalyǵynan órt shyǵyp, 60 adam evakýatsııalandy

Kókshetaý qalasynda batýt ortalyǵynan órt shyqty, 60 adam evakýatsııalandy, onyń 30-y bala, dep habarlaıdy Kazinform tilshisi.

Aqmola oblysy TJD baspasóz qyzmetiniń málimetinshe, órt búgin, 7 qańtarda saǵat 16:54 - Kókshetaý qalasynyń Abaı kóshesi boıyndaǵy batýt ortalyǵynyń saýnasynan shyqty. Órt aýmaǵy 60 sharshy metr aýmaqty qurady.

«Saǵat 17:30 órt oqshaýlanyp, 17:53 joıyldy. Oǵan TJD jeke quramynan 31 adam jáne 9 órt sóndirý tehnıkasy tartyldy. Órt sóndirýshiler jetkenshe, saýna qyzmetshileri 40 adamdy evakýatsııalady, onyń ishinde 22 bala, keıin qutqarýshylar taǵy 12 eresek pen 8 balany syrtqa alyp shyqty. Jaraqat alǵandar men zardap shekkender joq. Órttiń shyǵý sebebi anyqtalýda», - dedi vedomstvodan.

Aıta ketsek, budan buryn Aqmola oblysynda órtengen úıden eki adamnyń máıiti tabylǵanyn jazǵan edik.