Kókshetaýda 10 metrlik «qanatty dombyra» ornatyldy
Shahmet Qusaıynov atyndaǵy Aqmola oblystyq qazaq mýzykalyq-drama teatrynyń aldyna ornatylǵan stellanyń avtory kókshetaýlyq tanymal músinshi jáne sýretshi Manarbek Burmaǵanov.
«Dombyra - bul Qazaq halqynyń áıgili ánshi-kompozıtory, aqyny Birjan sal men Aqan seriniń mýzykalyq aspaby. «Qanatty dombyra» jasaý týraly oıym burynnan bar edi. 2014 jyly alǵashqy nobaıyn jasap, týrızm basqarmasyna tapsyrdym. Bıylǵy jyly meniń «qanatty dombyram» qyzyǵýshylyq tanytyp, júzege asyryldy», dep óziniń oıymen bólisti. M. Burmaǵanov.
Onyń sózinshe, «dombyra» stellasynyń bıiktigi 10 metr jáne metall men betonnan jasalǵan. Sáýlet eskertkishi Kókshetaý qalasynyń 195 jyldyǵyna syı retinde qala kúnnin toılaıtyn kúni (maýsymnnyń 28-29 kúnderi) ashylý kerek edi. Alaıda, Arystaǵy oqıǵaǵa baılanysty merekelik shara keıinge shegerildi. Qazirgi kezde eskertkishtiń ózi ornatyldy, tek mańynda abattandyrý jumystary jalǵasýda.
Aıta keteıik, bıyl Kókshetaý qalasynyń irgesi qalanǵanyna 195 jyl tolady. Osy mereke sheńberinde birqatar sharalar uıymdastyrý josparlanǵan bolsa, onyń aldy júzege asyryldy.
