Kókshetaý qalasynda ınternet-alaıaqtyqqa qatysty 227 qylmys jasaldy

KÓKShETAÝ. QazAqparat – Qazirgi tańda Kókshetaý qalasy aýmaǵynda 227 ınternet-alaıaqtyq faktisi tirkelgen. Mundaı derek QR Bas prokýratýrasynyń Іnstagram-daǵy resmı paraqshasynda jarııalandy, dep habarlaıdy QazAqparat tilshisi.

«Búgingi tańda Kókshetaý qalasynyń aýmaǵynda ınternet-alaıaqtyq qylmystarynyń jıilegeni baıqalady. Internette passıvti aqsha tabý baǵytyndaǵy azamattardyń qyzyǵýshylyǵyn týdyratyn túrli platformalar bar. Olardy alaıaqtar utymdy paıdalanady. Búginde Kókshetaý qalasynda 227 ınternet-alaıaqtyq jasaldy. Atalǵan baǵyttardaǵy quqyq buzýshylyq áreketteri jıilep barady», - delingen QR Bas prokýratýrasynyń habarlamasynda.

Aıta keteıik, Іshki istr mınıstrligi qazaqstandyq kompanııalardyń atyn jamylyp, alaıaqtyq jasaıtyn saıttar AQSh-ta tirkelgenin aıtady. Vedomstvo málimetinshe, jyl basynan beri joǵary tabysty ýáde etken 769 alıaqtyq faktisi tirkelgen. Sonyń ishinde 120 jaǵdaıda alaıaqtar túrli kompanııalardyń atyn jamylǵan.

Al taıaýda qazaqstandyqtardyń IPO alańynda alaıaqtarǵa aldanbaýy úshin «STOPFAKEIPO» saıty ashyldy. Búginde zańsyz ınvestıtsııalyq deldaldyń belgileri bar 158 uıym tizimge alynǵan.