Kókshetaý qalasynyń jylytý maýsymyna daıyndyǵy qalaı
KÓKShETAÝ. QazAqparat - Kókshetaýda qyrkúıektiń 25-ne qaraı ǵımarattarǵa jylý berile bastaıdy. Qazirgi kezde oblys ortalyǵynda jylytý maýsymyna daıyndyq jumystarynyń 80 paıyzdan astamy oryndalǵan.
Qala ákimdigi baspasóz qyzmetiniń málimetinshe, jylytý maýsymynda «Kókshetaý jylý» kommýnaldyq kásipornynyń RK-1 jáne RK-2 qazandyqtary oblys ortalyǵyndaǵy 5182 nysandy jylytady, onyń 1401 áleýmettik nysandar, al qalǵandary turǵyn úıler, ónerkásip nysandary jáne ózge de uıymdar.
«Kókshetaýda jylý berý maýsymy qala ákiminiń ókimi boıynsha halyqaralyq qurylys normalaryna sáıkes syrtqy aýanyń ortasha táýliktik temperatýrasy +10 gradýs bolǵan kezde bastalady, ol shamamen bes kúnge sozylýy tıis. ıAǵnı, osy normalarǵa sáıkes, Kókshetaýda shamamen jylý 25 qyrkúıekke deıin iske qosylady jáne birinshi kezekte mektepter, balabaqshalar, densaýlyq saqtaý nysandaryna jylý beriledi. Keıin - kóp qabatty úıler, áleýmettik nysandar, al eń sońynda – jeke sektor qosylady», – dedi ákimdiktiń baspasóz qyzmetinen.
Aıtýynsha, 2024-2025 jyldardaǵy jylytý maýsymyna daıyndyq sheńberinde QR Úkimetiniń rezervinen jalpy somasy 1 375 mln teńgege qarajat bólindi, onyń 816 mln teńgesi jylý kózderin jóndeýge arnalǵan, ıaǵnı RK-1 eki bý qazandyǵyn jóndeý jáne RK-2 №8,9,10 shań-kómir qazandyqtaryn jóndeý jumystary úshin. Al 559,029 mln teńge uzyndyǵy 6 km bolatyn jylý jelilerin jóndeýge baǵyttalǵan, qazirgi kezde bul qarjyǵa Borovskaıa, Birlik, ıÝbıleınyı shaǵyn aýdandarynda jáne Hasenov qalashyǵynda jylý trassasyn montajdaý boıynsha jumystar júrgizilip jatyr.
«Búgingi kúni Kókshetaý qalasynyń 1134 nysany nemese 80,9 paıyzy 2024-2025 jylǵy jylytý maýsymyna daıyn. Jalpy qala aýmaǵyndaǵy 1401 nysandy daıyndaý josparlanǵan. Bul baǵyttaǵy jumystar bekitilgen kestege sáıkes júrgizilýde jáne belgilengen merzimde tolyq kólemde oryndalatyn bolady», - dep tolyqtyrdy ákimdikten.
Aıta ketsek, budan buryn Úkimet basshysy Oljas Bektenov Aqmola oblysynyń jylý berý maýsymyna daıyndyq barysyn teksergenin jazǵan edik.
