Qoǵamdyq orynda balaǵat sóz aıtý faktisin qalaı dáleldeýge bolady

ASTANA. QazAqparat - QR Іshki ister mınıstrligi qoǵamdyq orynda balaǵat sóz aıtý faktisin qalaı aıǵaqtaýǵa bolatynyn túsindirdi, dep habarlaıdy QazAqparat.

Qoǵamdyq orynda balaǵat sóz aıtý jáne basqa da usaq buzaqylyq úshin 69 myń teńge kóleminde aıyppul nemese 30 táýlikke deıin qamaýǵa alý jazasy bekitilgenin jazǵan bolatynbyz.

Mınıstrliktiń túsindirýinshe, qoǵamdyq orynǵa kólik, kóshe, dúkenderdi jatqyzýǵa bolady. Balaǵat sóz aıtylǵanyn aýdıo jáne vıdeojazba arqyly, sondaı-aq kýágerlerdiń kómegimen dáleldeýge bolady.

«Eger eshkim balaǵattaý faktisin rastaı almasa da, istiń mán-jaıyn anyqtaý úshin polıtsııaǵa júginýge bolady«, - dep tolyqtyrdy vedomstvo.

Usaq buzaqylyq faktisi boıynsha túpkilikti sheshimdi sot qabyldaıdy.

Tıisti ózgerister Qylmystyq jáne Qylmystyq is júrgizý kodeksteriniń, sondaı-aq Ákimshilik quqyq buzýshylyq týraly kodekstiń birqatar baptaryna engiziledi.

Aıta keteıik, Ákimshilik quqyqbuzýshylyqtar kodeksiniń jańa nusqasynda «usaq buzaqylyq» úshin aıyppul 20 AEK (69 000 teńge) quraıdy, qamaýǵa alý 5-ten 30 táýlikke deıin uzarady.

Bıyl 3 qańtarda el Prezıdenti Qasym-Jomart Toqaev «QR Qylmystyq jáne qylmystyq is júrgizý kodeksterine ekologııalyq quqyqbuzýshylyqtar men vandalızm kórinisteri úshin jaýapkershilikti kúsheıtý máseleleri boıynsha tolyqtyrýlar engizý týraly» jáne «QR Ákimshilik quqyq buzýshylyq týraly kodeksine ekologııalyq quqyqbuzýshylyqtar men vandalızm kórinisteri úshin jaýapkershilikti kúsheıtý máseleleri boıynsha ózgerister men tolyqtyrýlar engizý týraly» Zańǵa qol qoıdy.