Qoǵamdyq keńes belsendilerine syıaqy beriledi
Mınıstrdiń aıtýynsha, qoǵamdyq keńeske múshe azamattardyń belsendiligin arttyrý úshin motıvatsııa bolýy qajet. Sonyń ishinde aqshalaı stımýldy da qoldanýǵa bolady.
«Qoǵamdyq keńes músheleriniń arnaıy reıtıngin engizý usynylyp otyr. Sonda árbir másele, petıtsııa, qoǵamdyq tyńdaý úshin úkimettik emes uıymdarǵa nemese jeke tulǵalarǵa upaı beriledi. Osy jumystyń nátıjesinde úkimettik emes uıymǵa syıaqy beriledi. Ol úshin memlekettik-áleýmettik tapsyrys, granttar men syıaqylar týraly zańnamaǵa ózgerister engiziledi», - dedi D.Káletaev qoǵamdyq keńesterdiń II respýblıkalyq májilisinde.
Onyń sózine qaraǵanda, qoǵamdyq keńes otyrystaryna qatysý erejesin de kúsheıtý kózdelgen. Máselen, keńes múshesi úsh otyrysqa kelmese, ony keńes quramynan birden shyǵaryp tastaıdy.
«Ondaı azamat basqa keńesterge de múshe bola almaıdy. Al quziretti memlekettik organ «qara tizimdi» júrgizedi. Transformatsııanyń nátıjesinde ortalyq memlekettik organdardaǵy keńester - 35 protsentke, al oblys deńgeıindegi qoǵamdyq keńester 25 protsentke keńeıedi degen boljam bar. Qalalyq jáne aýdandyq keńester shamamen 20 protsentke ońtaılandyrylady. Sonda qoǵamdyq keńesterdiń tıimdiligi artady. Qazir «Qoǵamdyq keńes týraly» zań jobasy ázirlenip jatyr. Aǵymdaǵy jyly maýsym aıynda atalǵan qujat Parlament Májilisine engiziledi», - dep atap kórsetti D.Káletaev.
Aıta keteıik, búgingi jıynda Darxan Amanuly qoǵamdyq keńesterdiń negizgi problemalaryn atady. Onyń aıtýynsha, qazirgi qoǵamdyq keńester «aqsaqaldar jınalysy» bolyp ketti. Sondaı-aq, mınıstr respýblıkalyq mańyzy bar úsh qalada jastarǵa arendalyq baspanany taratý merzimi týraly aıtty.
