QMA 103 mlrd teńge bıýdjet qarajatyn únemdeýge kómektesti

ASTANA. KAZINFORM — Qarjylyq monıtorıng agenttigi ınfraqurylymdyq jáne áleýmettik jobalardy salý kezinde jobalaý–smetalyq qujattamany tekserý arqyly 61 qurylys jobasynyń zańsyz áreketin áshkereledi. 

Alpystan asa qurylys jobasynan memleketke shamamen 103 mlrd teńge únemdeldi. 

Máselen, Qaraǵandy oblysynda «Qaraǵandy Sý» JShS negizgi sý tazartý qurylystarynyń bloktaryn qaıta jańartý» jobasynyń JSQ ázirleý satysynda qubyr buıymdarynyń 5 túriniń artyq quny anyqtaldy, - delingen habarlamada.

Baǵany asyrý uqsas taýarlardyń baǵasyn jáne basqa jetkizýshilerdiń balama usynystaryn salystyrý arqyly anyqtaldy.

Atqarýshy organmen birlesken jumys qorytyndysy boıynsha jobanyń málimdelgen smetalyq quny 6,1 mlrd teńgege tómendetildi.

Basqa jaǵdaıda, Aqtóbe qalasynda «Moıseevkıı sý tartqyshynyń qurylysy» jobasyn iske asyrý kezinde sý rezervýarlarynyń kólemi azaıtylyp, bul 827 mln teńgeni únemdeýge múmkindik berdi, - dep habarladay agenttikten. 

Rezervýarlar kóleminiń ózgerýi qubyrlar men sorǵylardyń mólsherin ózgertýge sebep boldy, sonyń nátıjesinde únemdeý shamamen 20 mlrd teńgeni qurady.

Bul baǵyttaǵy jumysty QMA elimizdiń barlyq óńirlerinde júrgizip otyr. 

Aıta keteıik, QMA bıýdjet qarajatyn utymdy paıdalaný jáne qylmystyq jaýaptylyqqa tartpaı, erte kezeńde jymqyrý táýekelderin boldyrmaý arqyly kóleńkeli ekonomıkaǵa qarsy is-qımyl jasaý maqsatynda memleket pen adal bıznestiń múddelerin qorǵaýǵa baǵyttalǵan.