Klýbtar arasyndaǵy ÁCh: «Borýssııa Dortmýnd» búgin jeńiske jete ala ma

ASTANA. KAZINFORM - Fýtboldan klýbtar arasyndaǵy álem chempıonatynda 21 jáne 22 maýsym kúnderi tórt oıyn ótkiziledi.

Aldymen 21 maýsymda qazaqstandyq ýaqytpen 21:00-de F tobynda synǵa túsip jatqan Germanııanyń «Borýssııa Dortmýnd» komandasy ekinshi týrda Ońtústik Afrıkanyń «Mamelodı Sanýndaýs» klýbymen kezdesedi.

Atalǵan toptaǵy «Flýmınense» (Brazılııa) men «Ýlsan Hende» (Ońtústik Koreıa) kezdesýi 22 maýsymda saǵat 03:00-ge belgilengen. 

Sondaı-aq E tobynda saǵat 00:00-de «Inter» (Italııa) men «Ýrava Red Daımonds» (Japonııa), 06:00-de «Rıver Pleıt» (Argentına) men «Monterreı» (Meksıka) sheberlik baıqasady.

21 maýsymda S tobynda Portýgalııanyń «Benfıkasy» Jańa Zelandııanyń «Oklend Sıtı» klýbyn 6:0 esebimen tize búktirse, Germanııanyń «Bavarııasy» Argentınanyń «Boka Hýnıorsyn» 2:1 esebimen jeńdi.

Al D tobynda AQSh-tyń «Los-Andjeles» klýby Týnıstiń «Esperansyna» 0:1 esebimen jol berse, bul topta Anglııanyń «Chelsı» komandasy brazılııalyq «Flamengoǵa» 1:3 esebimen ese jiberdi.

Álem mempıonatynyń júlde qory 1 mıllıard AQSh dollaryn quraıdy. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi.

Dop dodasynda 32 komanda synǵa túsedi. Komandalar 8 topqa bólindi. Ár topta 4 klýbtan oıyn kórsetedi, olardyń ekeýi pleı-off kezeńine shyǵady.