Klımattyq daǵdarys áskerı qaqtyǵystarǵa alyp kelýi múmkin – Qasym-Jomart Toqaev

ASTANA. QazAqparat – 2050 jylǵa qaraı Azııa ekonomıkasyna tabıǵı kataklızmderden keletin yqtımal zalal JІÓ-niń 26 paıyzyna deıin jetýi múmkin. Bul týraly Astanadaǵy Azııadaǵy ózara is-qımyl jáne senim sharalary keńesiniń sammıtinde sóz sóılegen Qazaqstan Prezıdenti Qasym-Jomart Toqaev málimdedi, dep habarlaıdy QazAqparat tilshisi.

«Ekologııalyq ólshemniń mańyzy arta tústi. Klımattyń ózgerýi ýaqyt ótken saıyn boljap bilýi qıyn, ári zardaby aýyr tabıǵat apattaryna alyp keledi. 2021 jyly Azııada mundaı jaǵdaılardan 57 mıllıon adam zardap shekti. 2050 jylǵa qaraı Azııa ekonomıkasyna osyndaı tabıǵı kataklızmderden keletin yqtımal zalal JІÓ-niń 26 paıyzyna deıin jetýi múmkin», - dedi Qasym-Jomart Toqaev.

Osy oraıda Memleket basshysy taıaýda Pákistanda bolǵan joıqyn sý tasqyny orasan zor gýmanıtarlyq apatqa ushyratqanyn eske saldy.

«Osyndaı qıyn kezde biz Pákistan halqymen jáne úkimetimen birge ekenimizdi taǵy da dáleldedik. Klımattyq daǵdarys áskerı qaqtyǵystarǵa alyp kelip, alapat ári basqarýǵa kelmeıtin mıgratsııalyq nópirdiń katalızatoryna aınalýy múmkin», - dedi Prezıdent.