Qyzylordanyń kúrishinen qamysyna deıin eksporttalyp jatyr
QYZYLORDA. KAZINFORM – Qyzylorda oblysynda jyl basynan beri quny 32 mln dollar 68,7 myń tonna aýyl sharýashylyǵy ónimderi álemniń 17 memleketine eksporttaldy.
Oblystyq aýyl sharýashylyǵy jáne jer qatynastary basqarmasynyń málimetine súıensek, barlyq ónimniń 88,3%-y – kúrish. Syr salysy Reseı, Belarýs, Qyrǵyzstan, Tájikstan, Ýkraına, Ázerbaıjan, Ózbekstan, Grýzııa, Mońǵolııa jáne Irak memleketterine jóneltilip otyr. Osyǵan deıin óńirde óndirilgen 60 435,9 tonna kúrishti osy shet elder satyp alǵan.
Aıta keteıik, bıyl kúrishten ortasha ónimdilik 58,1 tsentner boldy. Dıqandar 470 myń tonnaǵa jýyq ónim jınady.
– Odan bólek oblystan Reseı, Lıtva, Germanııa, Danııa, Nıderland, Qytaı memleketterine quny 6 783,8 myń dollar 1 734,4 tonna balyq, Germanııa, Polsha, Túrkııa, Ulybrıtanııa jáne Nıderland memleketterine quny 1 111,9 myń dollar 3 679,5 tonna qamys, Reseıge 160 tonna (13,6 myń dolar) kúrish qaldyǵy, 200 tonna (46,3 myń dollar) qyzanaq, 2 200 tonna (282,1 myń dollar) qaýyn, qarbyz jiberildi, - delingen habarlamada.
Al elimizde astyq eksporty Ózbekstanla – 32,8%-ǵa, Qyrǵyzstanla – 2 ese, Aýǵanstanla – 28,8%-ǵa artqan.