Qyzylordalyq júrgizýshi 20 jylda birde-bir ret jol erejesin buzbaǵan

QYZYLORDA. KAZINFORM — Qyzylorda oblysynda «Úlgili júrgizýshi — 2025» respýblıkalyq aktsııasy ótti. Bul týraly oblystyq polıtsııa departamentiniń baspasóz qyzmeti habarlady.

Іshki ister mınıstrligi mundaı bastamany jol qozǵalysy qaýipsizdigin qamtamasyz etý, júrgizýshilerdiń jaýapkershiligin arttyrý jáne jol-kólik oqıǵalarynyń aldyn alý úshin qolǵa aldy. Odan bólek, jol qozǵalysyna qatysýshylardyń mádenıetin kóterý, jol júrisi qaǵıdalaryn saqtaý deńgeıin jaqsartý, sondaı-aq úlgili minez-qulyq tanytqan júrgizýshilerdi yntalandyrý maqsat boldy.

— Aktsııaǵa belsendi qatysyp, jol júrisi qaǵıdalaryn buljytpaı oryndap júrgen 11 júrgizýshi daralandy. Baıqaý nátıjesi boıynsha úlgili júrgizýshi ataǵyna qala turǵyny Nýh Ozdın laıyq dep tanyldy. Jas urpaqty tárbıeleıtin jaýapkershiligi mol mamandyq ıesi 20 jyldan beri kólik tizgininde. Osy ýaqyt ishinde ol birde-bir ret jol erejesin buzbaǵan, jyldamdyqty asyrmaǵan jáne kóligin tehnıkalyq tekseristen ýaqytyly ótkizip otyrǵan. Sonymen qatar ol birneshe ret jolda apatty jaǵdaıǵa tap bolǵan júrgizýshilerge kómek kórsetip, azamattyq pen jaýapkershiliktiń úlgisin kórsetip keledi, — dep habarlady departamenttiń baspasóz qyzmeti.

Tártipti júrgizýshiler departament bastyǵynyń alǵys hatymen jáne estelik syılyqpen marapattaldy.

Eske salaıyq, elimizde jýyrda júrgizýshi kýáligin alǵash ret rásimdeý tártibi ózgerdi.