Qyzylordada júk kóligi qaǵyp ketken jasóspirim qaıtys boldy

QYZYLORDA. KAZINFORM - Qyzylorda qalasynda «KaMAZ» júk kóligi jasóspirimdi qaǵyp ketken. Jol-kólik oqıǵasynan jasóspirim aýrýhanaǵa jetkizilip, qaıtys boldy.

Áleýmettik jelide jazylǵanyndaı, oqıǵa Qyzylorda qalasyna qarasty Qyzyljarma aýyldyq okrýgi aýmaǵynda bolǵan. 

Bul oqıǵanyń bolǵany jóninde Qyzylorda oblystyq polıtsııa departamenti rastap, tómendegishe túsinikteme berdi.

«Aıta ketsek, KaMAZ markaly júk kóliginiń júrgizýshisi kámeletke tolmaǵan jasóspirimdi qaǵyp, jol-kólik oqıǵasy tirkeldi. Dene jaraqatyn alǵan jasóspirim Qyzylorda kópbeıindi aýrýhanasynyń jansaqtaý bólimine jetkizildi. Jasóspirim alǵan jaraqaty saldarynan qaıtys boldy. Oqıǵa boıynsha qylmystyq is qozǵaldy», - dep málim etti departamentten. 

Eske salsaq, budan buryn Qyzylordada zeınetkerdi tonap ketken kúdikti ustaldy.