Qyzylordada jylý maýsymy qashan aıaqtalady

QYZYLORDA. KAZINFORM – Qyzylorda qalasyna jylý berý 7 sáýir kúni toqtatylady. 

Gıdrometeorologııalyq qyzmet ókilderi oblys ortalyǵyndaǵy syrtqy aýanyń ortasha táýliktik temperatýrasy 8ºS-den joǵary bolady dep boljap otyr. 

Qala ákimdigi osyǵan baılanysty 7 sáýirden bastap 2024-2025 jyldardaǵy jylý berý maýsymy aıaqtalatynyn málimdedi.

2023-2024 jyldary qalaǵa jylý 15 qazannan bastap berilip, byltyr 10 sáýir kúni toqtatylǵan bolatyn. 

Jalpy, qala boıynsha ortalyqtandyrylǵan jylý júıesine 1 600-den astam nysan qosylǵan. 

Al, Túrkistan qalasynda jylý maýsymy 1 sáýirde aıaqtaldy. 

Sondaı-aq buǵan deıin Aqtaýda jylý jelisindegi apatqa qatysty qylmystyq is qozǵalǵanyn habarlaǵan edik.