Qyzylordada Ulttyq quryltaı bastaldy
QYZYLORDA. KAZINFORM — Búgin Qyzylorda qalasynda V Ulttyq quryltaı bastaý aldy.
Eki kúnge jalǵasatyn keleli jıynnyń alǵashqy kúninde tórt paneldik sektsııa boıynsha otyrystar ótedi.
Áleýmettik-mádenı damý sektsııasyn Premer-mınıstrdiń orynbasary — Mádenıet jáne aqparat mınıstri Aıda Balaeva, Bilim-ǵylym sektsııasyn Ǵylym jáne joǵary bilim mınıstri Saıasat Nurbek tizgindedi.
Kúnniń ekinshi jartysynda azamattyq qoǵam jáne ekonomıkalyq damý jaıy qamtylmaq.
Quryltaıda el damýynyń baǵyt-baǵdaryn aıqyndaıtyn ózekti máseleler talqyǵa túsedi.
Sondaı-aq, Ulttyq quryltaı músheleri osy kúni oblys ortalyǵyndaǵy birqatar nysandy aralaıdy.
Aıta keteıik, Ulttyq quryltaı qarsańynda qazaq memlekettiginiń qalyptasý kezeńderinde mańyzdy sheshimder qabyldanǵan quryltaılar tarıhyna toqtalǵan edik.
Budan bólek Prezıdent Qyzylordada ótetin Ulttyq quryltaı otyrysynda elimizdiń keleshek damý baǵdary týraly oılaryn ortaǵa salatynyn jazǵanbyz.