Qyzylordada respýblıkalyq ákeler forýmy ótti
QYZYLORDA. KAZINFORM - Qyzylordada «Tárbıe – tal besikten» taqyrybynda IH respýblıkalyq ákeler forýmy ótti.
Forýmnyń maqsaty – ákelerdiń balalardyń tárbıesindegi, otbasyndaǵy jáne qoǵamdaǵy rólin arttyrý, er adamnyń beınesin qalyptastyrýdaǵy ákeniń róli men jaýapkershiligi. Atalǵan sharaǵa zııaly qaýym ókilderi, otbasy saıasaty salasyndaǵy sarapshylar, halyqaralyq uıymdardyń ókilderi, respýblıkalyq ákeler odaǵynyń óńirlik jetekshileri, jergilikti atqarýshy organdardan, respýblıkanyń barlyq óńirinen 150-den asa delegat qatysty.
Forýmnyń alǵashqy kúninde qonaqtarǵa Qyzylorda qalasynyń kórikti jerleri men jańadan boı kótergen áleýmettik nysandar tanystyrylsa, ekinshi kúni sektsııalyq jumystar uıymdastyrylyp, «Dostyq úıinde» plenarlyq otyryspen qorytyndylandy.
Forýmǵa respýblıkalyq «Ákeler odaǵy» qoǵamdyq birlestiginiń tóraǵasy Maqsutbek Aıtmaǵambet, ıÝNFPA-nyń Qazaqstandaǵy atqarýshy ókili Raıymbek Sısemalıev, «QAZAQSTAN ARDAGERLERI» qaýymdastyǵynyń tóraǵasy Baqytbek Smaǵul, QR Oqý-aǵartý mınıstrliginiń tárbıe jumysy jáne qosymsha bilim berý departamentiniń dırektory Merýert Medetbekova, QR Mádenıet jáne aqparat mınıstrligi jastar jáne otbasy isteri komıteti tóraǵasynyń orynbasary Birjan Álimjanov, QR Týrızm jáne sport mınıstrligi Sport jáne dene shynyqtyrý komıteti buqaralyq sportty damytý basqarmasynyń basshysy Jandos Maqsutuly, «Otbasy akademııasynyń» negizin qalaýshy, otbasylyq psıholog Erjan Myrzabaev arnaıy shaqyrtyldy.
Jıynǵa qatysqan oblys ákiminiń orynbasary Shahmardan Baımanov forým qonaqtaryna oblys ákiminiń lebizin jetkizdi.
Sondaı-aq, otbasy qundylyǵy men kıeli shańyraq qasıetin jas urpaq sanasyna sińirý, rýhanı-adamgershilik tárbıeni dáripteý maqsatynda aımaqta atqarylyp jatqan jumystarǵa toqtaldy.
Forým QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasynyń qoldaýymen Qazaqstan Respýblıkasynyń Mádenıet jáne aqparat mınıstrligi, Qyzylorda oblysy ákimdiginiń jáne «Ákeler odaǵy» RQB uıymdastyrýymen, Qyzylorda oblysy ákimdiginiń qoldaýymen ótkizildi.
Aldaǵy ýaqytta Ákeler keńesiniń mártebesin arttyrý baǵytynda basqa óńirlerde forým ótkizý jumystary jalǵasyn tabady.
