15:56, 20 Naýryz 2025 | GMT +5
Qyzylordada kópir qorshaýy qulady
QYZYLORDA. KAZINFORM – Áleýmettik jelide Qyzylordada kópir qorshaýy qulaǵany jóninde jazba jarııalandy.
Qala ákimdiginen habarlaǵandaı, oǵan qorshaýdyń eskirýi sebep bolǵan.
– 2025 jyldyń 19 naýryzynda saǵat 19:15 shamasynda Tasbóget kentindegi Nazarbaev dańǵyly boıymen ótetin Qyzyljarma kanalyndaǵy avtomobıl kópiriniń qorshaýy qulaǵany týraly aqparat Facebook áleýmettik jelisinde jarııalandy. Kópir 1973-1974 jyldary salynǵan. Qazirgi ýaqytta qorshaý qalpyna keltirildi, - delingen ákimdik habarlamasynda.
Sonymen qatar jańa kópir salý úshin jobalyq-smetalyq qujattama ázirlenip, tıisti sharalar qabyldanýda.
Buǵan deıin habarlaǵanymyzdaı, Aqtóbede qaıyqpen qatynap júrgen aýdanǵa tehnıkalyq kópir salynyp jatyr.