Qyzylordada kómir qanshadan satylyp jatyr?

QYZYLORDA. KAZINFORM – Aldaǵy jylý maýsymyna Qyzylorda oblysyndaǵy turǵyn úıler men áleýmettik nysandardyń daıyndyǵy, sondaı-aq qajetti kómir qoryn jınaý máselesi oblys ákimdiginiń turaqty baqylaýynda.

Oblystyq energetıka jáne turǵyn úı-kommýnaldyq sharýashylyq basqarmasynyń baspasóz qyzmeti habarlaǵandaı, 2025-2026 jyldardaǵy jylý berý maýsymyna josparǵa sáıkes 139,3 myń tonna qatty otyn qajet. Onyń 117,4 myń tonnasy turǵyndarǵa, 21,9 myń tonnasy áleýmettik nysandarǵa arnalǵan. 

– «Qazaqstan temir joly» kompanııasynyń málimeti boıynsha búgingi kúni óńirge 21,9 myń tonna kómir jetkizildi. Kómir qoımalarynda sonymen 27,9 myń tonna qor jınaldy. Oblys kóleminde 19 óńirlik operator jumys istep tur. Kómir baǵasy markalaryna jáne jetkizý qashyqtyǵyna sáıkes 17 myń men 27 myń teńge aralyǵynda satylyp jatyr, - delingen habarlamada. 

Onyń ishinde Shubarkól, Qarajyra, Bogatyr, Ekibastuzdan jetkizilgen qatty otyndy tutynýshylar qoımadan ala alady. 

Buǵan deıin habarlaǵanymyzdaı, Qyzylorda oblysyndaǵy jylýmen qamtý nysandaryn jańǵyrtýǵa bıyl 13,5 mlrd teńge bólindi.