Qyzylordada qaterli isik «jasaryp» barady

QYZYLORDA. KAZINFORM — Qyzylorda oblysynda qaterli isikke shaldyqqan 5 myńdaı adam esepte tur.

Oblystyq densaýlyq saqtaý basqarmasynyń basshysy Oljas Ysqaqov aýrýdyń «jasaryp» bara jatqanyn aıtyp dabyl qaqty. 

— Naýqastardyń jas shamasy — ortasha eseppen 40-45 aralyǵynda. Aýrýdyń «jasarý» tendentsııasy baıqalady. Profılaktıkalyq jumystarǵa, onyń ishinde onkologııa ortalyǵyna tekserý apparattaryn satyp alýǵa respýblıkalyq bıýdjetten 5 mlrd teńgeden astam qarajat bólindi. Buryn onkoskrınıng tek mindetti áleýmettik medıtsınalyq saqtandyrý júıesi aıasynda saqtandyrylǵan azamattar úshin tegin bolyp keldi. Budan bylaı mundaı tekserýden «saqtandyrylǵan» mártebesi bar-joǵyna qaramastan barlyǵy birdeı óte alady, — dedi ol.

Óńirimizde obyrdy dıagnostıkalaýdy jańa deńgeıge kóterý jáne ortalyqty ozyq tehnologııamen qamtamasyz etý múmkindigi týyp tur. 

— Ota jasalǵan, hımııa, sáýle terapııalarynan ótken naýqastar dınamıkada 3, 6 aı jáne 1 jylda túsip turady. Sol úshin iri megapolıster — Almaty men Astanaǵa barýǵa májbúr bolatyn. Endi Qyzylorda qalasynda PET/KT-ortalyqtary ornatylyp, jergilikti turǵyndar áýre-sarsańǵa túspeıdi. Bul jumysty aıaqtaýdy aldaǵy qańtar aıyna týralap otyrmyz, — dedi basqarma basshysy.

Buǵan deıin biz Qyzylorda oblysynda tumaý men jedel respıratorly vırýstyń qarqyny báseńdegenin habarladyq.