Qyzylordada esirtki ósirgen 32 adam quryqtaldy

QYZYLORDA. KAZINFORM – 1 maýsymda elimizde esirtki qylmysynyń jolyn kesýge baǵyttalǵan «Qarasora - 2025» jedel profılaktıkalyq is-sharasy bastaldy. Ol 31 qazanǵa deıin jalǵasady.

Oblystyq polıtsııa departamentiniń baspasóz qyzmeti habarlaǵandaı, is-shara aıasynda óńir aýmaǵynda osy baǵytta quqyq buzýdyń 70 deregi anyqtaldy. 

– Atap aıtqanda, 41 derek esirtki ósirý, 6 derek esirtki ótkizý, 10 derek asa iri mólsherde eskirtki saqtaý boıynsha, al 22 derek – esirtkige baılanysty qylmystyq teris qylyqtar. Zańsyz aınalymnan 898 kılogramm 684 gramm esirtki zaty alyndy. Onyń ishinde 5 kılogramnan astam marıhýana, 8 kılogram 794 gram kóknár ósimdigi, 2 kılogramm 301 gram sıntetıkalyq esirtki tárkilendi, - delingen habarlamada. 

Sonymen qatar esirtki ósirýmen aınalysqan 32 adam quryqtalyp, onyń 13-i qamaýǵa alyndy.

Jýyrda habarlaǵanymyzdaı, «Esirtkisiz bolashaq» jobasy aıasynda Jambyl oblysynda 2025 jyldyń ózinde 4 500 gektardan astam aýmaqta 2 581 tonna jabaıy qarasora joıyldy.