Qyzylordada egizdiń syńary inisine búıregin berdi
QYZYLORDA. KAZINFORM – Qyzylorda oblystyq kópbeıindi aýrýhanasynda bir kúnde eki naýqasqa búırek transplantatsııasy jasaldy. Bul týraly aýrýhananyń baspasóz qyzmeti habarlady.
Birinshi naýqas – 1979 jyly týǵan áıelge ózinen úsh jas úlken týǵan aǵasy donor boldy. Ekinshi transplantatsııa 1978 jyly týǵan er adamǵa jasaldy.
– Naýqasqa egizdiń syńary, aǵasy búıregin berdi. Otany aýrýhana bas dárigeriniń orynbasary, PhD Erbol Serikuly A.Syzǵanov atyndaǵy ulttyq ǵylymı hırýrgııa ortalyǵynyń bólimshe meńgerýshisi Islam Madadovtyń komandasymen birge jasady. Operatsııa sátti ótti. Naýqastardyń jaǵdaıy ortasha, tıesili em qabyldap jatyr, - delingen habarlamada.
Byltyr aýrýhanada búırekke 6 transplantatsııa jasaldy. Bıyl dárigerler birinshi ret baýyr aýystyrdy.
Jaqynda osy aýrýhanada ashyq júrekke sırek kezdesetin ota jasaldy.