Qyzylordada aýdan halqy óz ákimin saılaıdy
QYZYLORDA. KAZINFORM — 28 qyrkúıek kúni Qyzylorda oblysynyń Qazaly aýdanynda ákim saılaýy ótedi. Bul týraly oblystyq saılaý komıssııasy málimdedi.
Saılaý ákimniń ókilettiligi merziminen buryn toqtaýyna baılanysty ótpek.
— Jergilikti halyq aýdan ákimin tikeleı saılaý arqyly tańdap, daýys beredi. Prezıdent tapsyrmasyna sáıkes osy kezge deıin pılottyq negizde Syrdarııa jáne Shıeli aýdandarynyń ákimi saılandy. Saılaýdy ázirleý men ótkizýge arnalǵan kúntizbelik jospar bekitildi. 12 tamyzdan bastap kandıdattardan usyný qujattary qabyldanady, — delingen habarlamada.
Pılottyq saılaýdy esepke almaǵanda bul — Qyzylorda oblysynda ótkeli turǵan alǵashqy aýdan ákiminiń saılaýy. Jańadan tańdalǵan aýdan basshysy 4 jyl merzimge saılanady.
Aıta keteıik, Qazaly aýdanyn buǵan deıin basqarǵan Shermaǵanbet Meırambek jýyrda oblys ákiminiń orynbasary laýazymyna taǵaıyndaldy.