Qyzylordada 7 bala terezeden qulap ketken

QYZYLORDA. KAZINFORM – Qyzylorda qalasynda jyl basynan beri balalar terezeden qulap ketken 7 derek tirkeldi. Jazataıym oqıǵa saldarynan olar jaraqat alǵan.

Qyzylorda qalalyq polıtsııa basqarmasynyń habarlaýynsha, buǵan úlkenderdiń nemquraılylyǵy basty sebep. Terezeniń temirmen qorshalmaýy, moskıtti tordyń osal bekitilýi jáne balalardyń tereze aldynda oınaýy jaǵdaıdy kúrdelendirip tur. 

- Sondyqtan azamattardy qaýipsizdik erejelerin saqtaýǵa shaqyramyz. Onyń ishinde terezelerdi ashyq, balany qaraýsyz qaldyrmaýdy, tıisti qorǵaǵyshy joq moskıt toryn paıdalanbaýdy suraımyz. Terezege bekitkish (blokırator nemese qulyp) ornatý kerek. Terezeniń mańyna jıhaz qoımaý qajet. Balalardyń úıdegi qaýipsizdigine birinshi kezekte ata-ana jaýapty, - delingen habarlamada. 

Jýyrda biz kún jylyna salysymen, sondaı-aq jazǵy mektep demalysy kezinde osyndaı oqıǵalar sany artatynyn jazǵan edik.