Qyzylordada 39 jastaǵy áıel «TikTok» arqyly terrorızmdi nasıhattaǵan
QYZYLORDA. KAZINFORM – Qyzylorda oblysynyń 39 jastaǵy turǵyny «TikTok» áleýmettik jelisinde terrorızmdi nasıhattap, dinı alaýyzdyq týdyratyn aýdıo jáne beınejazbalar taratqan.
Oblystyq polıtsııa departamenti ekstremızmge qarsy is-qımyl basqarmasynyń jáne Ulttyq qaýipsizdik komıteti Qyzylorda oblysy jáne Baıqońyr qalasy boıynsha departamentiniń qyzmetkerleri jedel izdestirý kezinde destrýktıvti dinı aǵym ókilin ustady.
– Oǵan qatysty qylmystyq kodekstiń 174, 256-baptary boıynsha tergep-tekserý áreketteri júrgizildi. Nátıjesinde Qyzylorda qalalyq sotynyń úkimimen áıel kináli dep tanylyp, oǵan 7 jyl merzimge bas bostandyǵynan aıyrý jazasy taǵaıyndaldy, - delingen oblystyq polıtsııa departamentiniń habarlamasynda.
Buǵan deıin habarlaǵanymyzdaı, esirtki qylmysynyń jolyn kesý maqsatynda 1 maýsymda bastalǵan «Qarasora - 2025» jedel profılaktıkalyq is-sharasy aıasynda Qyzylordada esirtki ósirgen 32 adam quryqtaldy.