Qyzylordada 3 bala terezeden qulaǵan
QYZYLORDA. KAZINFORM – Qyzylorda oblysynda kóktem bastalǵaly 3 bala terezeden qulap ketken. Abyroı bolǵanda bári aman.
Oblystyq Polıtsııa departamentiniń málimetine súıensek, kámeletke tolmaǵan balalardyń qaýipsizdigin qamtamasyz etý, sondaı-aq olarǵa kútim jasaý jáne olardy kútip-baǵý jónindegi mindetemeni oryndamaǵany úshin olardyń ata-analaryna Ákimshilik quqyq buzýshylyq týraly kodekstiń 127-babynyń 1-bóligi boıynsha ákimshilik aıyppul salyndy.
- Mundaı jaǵdaılar kóbine ata-analardyń qaýipsizdik máselesine beıjaı qaraýynan, balany baqylaýsyz jiberýinen bolady. Sondyqtan balalardy terezesi ashyq bólmede jalǵyz qaldyrmaýdy suraımyz. Bala terezeni ózdiginen ashpas úshin oǵan arnaıy qulyp júıesin, temir qorshaý ornatý kerek. Terezeniń aldyna jıhaz qoıýǵa bolmaıdy, – dep eskertti polıtsııa.
Oblystyq Tótenshe jaǵdaılar departamentiniń dereginshe, ótken jyly óńirde 17 bala terezeden qulap ketken. Denesine zaqym kelgeni bolmasa, bári tegis aman. 17-si jaraqatyna baılanysty aýrýhanada emdelip shyqty.